由於使用了Microsoft 版CHATGPT 的 Copilot 365，令我可以極速將 2 個IB 戶口的帳單合併計算出這個組合，希望之後更新次數可以多一些
NVDA 29.52%
TSLA 29.17%
VZ 12.68%
PLTR 11.78%
OXY 3.92%
MSFT 2.88%
PDI 2.24%
GOOG 2.09%
VUSD 1.66%
SMIF 0.94%
BATS 0.90%
SOFI 0.80%
BLND 0.62%
AEWU 0.61%
RBLX 0.17%
HOOD 0.04%
美國政府最近公開了許多 UFO 的檔案，大家都在討論外星人是否存在，我自己都相信有外星生物，不過美國政府公佈既所謂證據太流，連一張外星生物既相都無影到出來，然後啲流傳已久既外星人故事就不停發烤，侵侵咁樣擺明係制造太空話題幫SPACEX造勢。太空竸賽從來都關乎軍事國防，而非單純生意，東方大國用政府錢來發展，美帝就選擇用股民既錢幫手發展太空事業。
年度觸目股票3部曲 SPACEX, OPENAI 和 ANTHROPIC 頭炮已確定6月12日上市，未上市已經有美國政府幫手造勢，最大股東馬斯克要1年後先可以賣股，指數公司改例，上市後不久 SPACEX 又要入指數，估值係貴到離地，但流通股票數量亦可以預期少到離奇，貨乾既話就會好似曾幾何時既騰雞由 300 一路乾升到 700 咁，炒上 2 億市值以上幾乎係預期之內，至於 N 月之後又同你跌 50% 或 60%，WHO CARE? 股災全部一齊跌市好正常，貴從來都係你既問題，唔係 SPACE X 既問題。一般散戶都係上市初期唔買，等升到天價先忍唔住追入，然後先中伏，我未必會持有股票，很可能會買期權 CALL 來參與一下。如果我係大戶，呢3隻股未上哂市，我老死都會托住個市，至少會托住相關產業。
帝國和波斯談判仍然反反覆覆，事實上2邊要再打既代價都高，不過傾唔掂都好，有船出到被封既港口即係油價應該都控制得住。付出最多的應該是擁有機場的 UAE同卡塔爾，本來好地地似傷港咁食緊東方大國、日落帝國同美帝幾家茶禮，一場丈嚇走哂佢地。傷港人都少咗搭佢地。
美股
NVIDA
業績依然係強勁既 7X% 增長。NVIDA 已過了當炒期，暫時都很難再大升，不過我有些新體會。這家公司每年賺過千億現金，皮褸黃每年都投資不同的公司，其實他就變成了像AI 界巴菲特那樣，在 AI 和 GPU 領域不停插旗。INTEL 是一例，晶片需求之大，不會只容下一家台積電，還會有其他公司生產才行，所以他投資了INTEL。另一家已入股的公司 COREWEAVE 本來是做比特幣礦場，現在改行把原有的伺服器變成運行 AI 語言模型，出租 AI 算力，這根本就是 NVIDA 延申既一種服務，NVIDA 每年都不停擴張，變相係"由皮褸黃幫你投資AI"。
PLTR
有些財經新聞定KOL 說 PALATIR 公司會受 AI 影響，但其實我想講佢地真係唔識。PALATIR 係M7 未炒人之前，已提前至少6個月炒人，當時係業績公佈後，業績好但炒人，我覺得超乎我既理解，後來當然明白原來因為用 AI 就可以炒人。另外PALATIR 公司的架構，有個叫FRONTLINE ENGINNER 的職位，就是在最前線接觸各路工作人員，吸收各種監管和工作要求後即時用 AI 修改不同系統去配合工作，這架構應該是其他軟件公司學習對像，這家公司是最懂用 AI 的軟件公司，而不會是被 AI 淘汰。上次我估150 會見底，結果現在 13X，合理估值應在120 左右，現在是安全買入，不過未必會再有爆發增長，但穩定長期增長也會讓這家公司有天再成焦點的。
TESLA
今年焦點出哂 SPACEX ，TESLA 自然無咩人理，我也只是維持少量月供式增持。之前 TESLA 通過的股權激勵方案，馬斯克要令公司市值升多8倍先可以收到股票，我諗唔明點做到 8 倍升幅，SPACEX 同 TESLA 合併似乎係必經之路，據 GOOGLE GEMINI 資料，馬生現擁有約 86% 的不合理地高股權，但如果和TESTLA 合併後，他的股權就會變成接近控制權 50% 的分界，這很難不讓人聯想到合併之路。
其他股票
另外我也想用期權買入一些美光 MU 和 SANDISK，我只知遊戲機會用SCANDISK，儲存不是我所知領域，但因為AI 使其爆發的股價太吸引，令我只想參與一些短期炒作。
我4月尾想買個 INTEL 既 CALL，但成交唔到，5月時因為有家事回了出生地，同時也錯過了精采的升浪，不過INTEL這家公司目前仍然只是受恵政策，是否值得持有還要留她的產品是否真正有改善，此公司值得監察，但還未有信心領我長期持有。
AI 發展
AI 競賽，有泡抺有非泡抺部份。
非泡抹成份
1. 用咗AI ，可以炒人
仲可以炒啲人工高既投行交易員、律師和醫生等，用 AI 老細最開心。這是可預見的
2. 軍事
波斯和鬼內瑞拉已經示範了AI 對國防有幾重要，政府都要全力支持。目前領先的 ANTHROPIC 最新的模型 Mythos 唔俾公開用，因為勁到世上保安最強，即係最難用既 FREE BSD 都可以被嚴重破解，如果用係戰場，你話專用山寨系統既東方大國點算好。唔投資 AI 連國家都生存唔到。
3. 未知的能力
AI 可以做既事，好可能超出人類想像，就像 DEEPMIND 玩圍棋玩出人類從未想像的策略，將來長生不老藥、無限能源會唔會都因 AI 而突破限制，這才是 M7 巨頭最緊張的事。而且 AI 是第一關，之後還有 AI + 機械人、 AI + 無人機等各種可能，現在只是 AI 比賽的頭關。
泡抹成份
M7 大企為了生存，都在出重金搶人和物理資源。情況有點像古代青樓花魁競投，大家鬥出高價搶，花魁未身值幾錢已唔重要，最重要從對手手上搶過來先。剛性需求都是來自科技巨頭，這些公司收放都可以好快，今日俾大錢，下年如果發現唔對路佢地都會收得好快，不過睇個勢就應該唔會收得咁易。
其他感想
石油價錢十幾年來都係 50-100 美金，沒有和通脹或黃金一齊升，因為其他能源取代了石油，令石油價表面上變化不大，實際上是卻不停在減價，同樣道理，一個地方的股市和樓價來來去去都係差唔多價位，每年平均升得2%都無，跟唔上通脹，其實係唔係代表跌緊價呢? 實在值得人反思。
近日回到出生地，雖然是很短的時間，但看到這個地方的學生似乎有一半已不是說廣東話，到處都可以使用強人支付，似乎2地融合得真的不錯，不過我和家人在行街時被誤認為遊容，被批評阻住條路，我覺得在這裏居住的人似乎有一股極重怨氣無處抒發，可能我錯覺吧。
好激烈呀，英超聯賽進入最後直路，阿仙奴到底今年有無冠軍攞到呢，戰情已進入白熱化 .. 大家係唔係以為我應該講中東，其實有咩好講，美帝微創手術式打仗，斬首又斬哂，軍事野又炸哂，家吓趕狗入窮巷，封咗個海，都唔容易搞。美帝有委國油自己攪得掂，係歐州亞洲唔掂，亞洲作為生產國，也會帶動輸美的物價上升，帶來通脹，影響領導。不過美帝要走其實唔難，係差在走得好唔好睇。封海單野，講緊數，大家鬥大中，所以都幾驚嚇。
美股
之前入咗貨都要坐艇，不過這些年都慣咗。當市場驚嚇同 SOCIAL MEDIA 啲人靜哂，無人再吹自已嬴幾多，我都係會儲貨。NVIDA 175 SHORT PUT又接咗貨， TESLA就小心啲散買緊。一路買一路跌，平均成本法講就容易，但其實都唔係人人做到，就係呢啲跌到人心驚既時間，家吓就係平既時候但無人敢買。
如果你話睇圖表，短線已經做咗隻腳，等緊另一隻腳出，不過其實一切都決定在戰爭情況，所以很難預期，我目前較多關注我買的公司，也不想大市太多了。睇少啲媒體特別係中文媒體，應該個人個心會定啲既，我同自己講你係散戶就做番個散戶，唔好扮基金經理
AI 發展
打波斯時美帝用咗 AI 公司 Anthropic 提供的AI來幫助斬首。AI 公司競爭是另一個更激烈戰場。你今時今日係屋企煮飯洗衫，應該都係用電飯煲，焗爐同洗衣機，唔會自己再生火同手洗衫。在 AI 業界，寫程式唔再係手寫，AI 同時發明咗電飯煲，焗爐同洗衣機及QC。我最近都在試用Anthropic公司既 Claude Code，我只能用震撼來形容，我只是寫出程式要求，2分鐘內就生成了一套基本可用的程式，而且有齊生成程式，測試。有些高手還要不只是用一個AI 對話，係同時用幾個 AI (稝為SUB AGENT) 做唔同既事，大家各自對話。結果係波斯戰爭已經示範咗俾大家睇，人類要用幾個月去分析戰場情報到調動武器發動既功擊，幾分鐘就搞掂咗。不過你唔好似為人可以做少咗，我覺得只係留得係職場既人要做更多更廣泛既事，10件事本來要10個人，可能減到3個再+100個AI去做，仲有1個人係新人留來培訓。AI 最恐佈係佢自我學習能力幾可級數咁上，再玩落唔知可以做到幾高層次既事，可能5年內一間公司只要一個人去SELL 客，售後服服、會計物流咩雜項都變成AI處理。所以AI計算單位 TOKEN 好可能成為以後生產力代名詞，掌握幾多TOKEN + 機械人 + 能源成為了新的生產力命脈，同時也是國力的代表。不過，我呢咁亂來既寫文方法應該AI仲未識寫。
如果有產品可以取代 APPLE 手機的話，我覺得目前就只有能完全將 AI 功能發揮出來的一件產品，但也可能最終還是 APPLE 能做到，不過 APPLE 只是一隻穩定增長硬件生產商，沒有了軟件的優勢，我暫時都不會再考慮。
其他廢話
英國油價都升咗接近10%，香港平民唔用車既話，生活上未必感應到能源有幾重要。係英國生活你就明，本來能源成本就高，環保能源時有時無，連開洗衣機都要珍夜晚電價平時去開，本來唔平既電費氣費若果再上升，對平民生活影響很大，運輸成本再增高，所有生活日用食品都會脹價，帶來社會不穩，好彩夏天仲有太陽能補吓手，冬天真係會變災難。我係咪只係講緊英國呢，一定係除非唔係。
同某啲國家唔同，波斯不但國土較南美小國大，宗教對人民既團結的應該超出侵侵既預計，我曾經同本地來自中東既司機傾過，佢話果啲教友有部份真係錢都唔要，又唔怕死。不過我相信高層從來都識計算利益，經此一役，美帝對手領導由推人去死先，變成領導先行過世先，那些領導應該終於識諗，更加明白世界和平既重要，代侵侵講句，齊齊搵錢咪好，搞咁多目標無謂做咩。
大市
2025又一年，學連登咁講美國佬又搞掂，經濟不温不火，關稅照收，侵侵團隊除咗侵之外，有不少經濟及關稅專家在陣，我一直都不擔心他們的政策會整死股市。9-10月的升市和之後的跌市，的確是來得意外，那似乎和加密幣泡沬爆破關係較大，而不是真正的經濟危機。
YOUTUE都有好多人講AI發展，我都唔重覆，我這個老散的觀點簡單而言有以下3點:
1. AI 需求不用懷疑
我比較擔心AI 取代咁多工作之後我啲仔女仲有咩工可以做多啲。一將功成萬骨枯呀，AI 公司是來自整死生人既工作職位。2025年 OPEN AI 的確引發了一些泡沫，因為OPEN AI 是細公司，它必須要不停掙扎擴張，才可以維持投資者和員工的希望。作為一個程式員，我日常的工作因AI幫助而效率大增。
2. AI 生產有樽頸
所有電腦核心元素晶片、記憶體、能源都有限制，大家在出盡方法突破，會有許多機會出現，這是需要留意。
3. AI 相關公司盤數既問題
華爾街既人會睇到既已經唔係問題，有問題佢地一早出哂貨。佢地睇唔到既先會係問題，而佢地睇唔到既話我都好難睇到，我信 CEO 往績和信用好過。
TESLA, NVDIA 已經成為我食的主加，PALATIR 在150 似乎有不少承接力，但這家企業比較神秘，我也不太了解它再快速增長的方法，我覺得股價有機會橫行可能長装整年的上落情況，目前只是保留已買的貨。
矽谷創辦人布琳回歸，2025下半年推出的產品完全有番以前的霸氣，市場推廣到產品可用性都回復正常，GOOGLE本來就有個日文名叫"本多終勝"，即係大把錢燒，軟硬技術都全面，巴郡又入股打底，300 個價位是極安全，我的免稅倉已經有少量貨底，我也會再持續加入，但價格會比較小心，不會急於買入。
加密貨相關股
ROBINHOOD, ROBLOX 我都加入了少許到 ISA 免稅倉，我以前都有現加密貨幣，但現在已沒太多理會，我也沒興趣炒幣，我沒時間再開新的範圍，這2家公司都是加密幣世代相關的股票，現在加密幣處於低潮，股價跌得夠，才讓我開始有興趣收集。ROBINHOOD 是加密幣賭場，而也在擴展到POLOY MARKET，夠進取，ROBLOX係我個仔知咩來而我唔佑，就買少少讓股價告訴我那個會跑出。
從失敗企業看成功方程式
M 7 點解可以一支獨秀勝過其他公司，其核心策略就是冒險精神。最近有一間叫 iRobot 的公司破產，這家公司原本在掃地機器人領先，但領先過後沒有再投資在新的技術，或者投資方向錯誤，結果平價市場被強國佔據後，最終導致今天破產的局面。NVIDIA, TESLA 到 OPENAI這些公司一開始就不是一凡風順，她們都是一直在冒險前進，把蠃了的錢賭完一次又一次，一路不停押注。若留戀舊有的賺錢模式，沒有大力發展新技術，很快會被人追上，科技界是 WINNER TAKES ALL，首先要令最多人使用你的產品，之後自然有方法賺錢，GOOGLE SEARCH / QQ / FACEBOOK / YOUTUBE 全部都是透過這模式成長的。風險是華爾街投資人要迴避的事，可是科技公司就是要冒險革新技術層才可生存。至於歐洲，就一直只懂在現在技術下加強規管，所以勍越來越窮。
生活
以下和股票無關，沒興趣可以跳過。
最近一場大火，有許多人已經在支持那些災民，也不需要我幫手，因為即使身在海外，也不太方便講太多，大家都要信政府呀，我知道大家都生活健康愉快。不過我都要提提大家往後生活要注意的原則。
1. 後台硬 - 當你要批評別人要先想想你有甚麼後台，你批評的人有甚麼後台支持，確定你後台較硬才好說話。
2. 人走茶涼 - 無論是甚麼公司職員或官員應承了甚麼事，人一走，茶就涼，所有事都無保論的，這原則至少由1800年開始到現在都有效。
最近有位朋友打算離開英國回到出生地生活，我想認真勸大家仲未走既諗清楚，你是否夠開放心態放棄以前既生活，180度改變，若果你在新居住地生存都有困難，又何來談生活和其他事情，生存要優先考慮。
話說英國除了足球，賽車拳擊和飛標都好流行，最近 NETFLIX 有套拳賽由 PAUL VS TYSON，TYSON 是正式拳手，PAUL則是網紅而非專業拳手，每次都約戰一些精手挑選的對手，也當然每次都WIN，因此有了些名氣。NETFLIX 找這 2 個拳手作賽，成為話題之作，結果PAUL整場比賽一直避，TYSON 又拖拖拉拉等到好遲 PAUL被重拳打到斷骨結束，他的認叻傳說也就結束了。我想講咩，當然係講拳賽，一定係。
這是上個6月時的組會現況，由於這個BLOG完全沒有收入而我又懶，所以我連組合比例都不顯示了，總之以後的主力都放在NVDA、PLTR、TSLA和 SOFI。
7月我將1038都放走了，香港的情況就好像那位網絡紅姐一樣，讓人看不透，咩生意太好，光榮結業，由治及興，銀行CALL LOAN，人已不在這裏生活，單靠網上資訊可能不夠全面，我唯一可以肯定的是朋友告訴我兩餸飯店越開越多，其他廢話另外再寫文。
IB ACCOUNT
等咗幾個月美帝老大終於使出大絕，他的意圖也比較清楚了。老大仍然是令我討厭的流岷，就像某強國50 60 年代歷史上的那位偉大領導，不過現在他做的事卻又可能美國是必須要做的事。關稅強調的目的其實不是美國鎖國，而是要令其他國家更徹底開放市場給美帝，形成更密切經貿關係，所有國家都可以傾，而就只有一個地方似乎係無得傾，因為根本唔會開放，戰爭已經在開打，舊世界秩序洗牌，企業也要重新適應新形勢，才能生存下來。
今年以來，我手上股票組合跌到七彩，中間一路跌我又買咗啲貨，結果繼續趺，真係心都傷，好野又無講得咁準，衰野就中到應，現在情況是我想像中最壞情況，雖然我未死得，不過加倉會再放慢，反彈既話更會將手上剩低既蘋果都放埋。平均入市其實一點都不容易，特別是這種市況，完全係倒錢落海既行為，不過平既時候唔買，高又追唔切，呢個世界無咁理想，只能選擇一個適合自己的方法。
目前只有一隻股票最硬淨，就是PALATIR，但我在分折後入的貨都要成90元成本，都係坐緊艇，不過我想佔信PALATIR是亂世中受惠的股票，例如英國 NHS最近幫襯了她之後，英國政府不久就宣佈要精簡架構將整個NHS砍掉，好明顯NHS的後勤工作會有一部份被她的系統取代，這家軍事科技公司的內部也幾乎肯定是MADE IN US的，不太會受關稅影響。
至於NVIDA和TESLA，暫時按兵不到，這2家公司都是有非常出色的領導人，關於黃仁勛的起家我有了更多的了解，顯示卡他成功用軟件模擬生產的創新方法節省金成本令公司站策穩陣腳，用顯卡挖比特幣可能是好彩，但之後AI成功就肯定是眼光，他將軟件模擬的生產方法應用在機器人生產，已在為下一期的熱潮做準備。ELON經過2018年那次幾乎破產都捱過，現在這關我覺得還不如當年。這兩家公司我不太懷疑他們的前景，不過還是要捱過眼前難關先。
當年蘋果發佈麔IPHONE 第一代，功能充滿驚嘉，而價錢不到1000美元，也是令許多人驚嘉的原因，當時功臣便是今日的CEO TIM COOK。蘋果使用全球供應鍊由中國生產，運到美國賣，多年以來順風順水，今日驚嘉已不再，甚至有點品牌老化的現象，不過因為壟斷供應鍊和生態系統而仍然獲利甚豐，不過今天連供應鍊都要重組，蘋果的價勢已削去一大半，我想也是時候放手。
我自從住在英國後，沒有再買指數，主要因為英國買ETF有很多限制，之前高位也沒有減持TESLA，除了因為我心態唔夠狠，還因為報稅複雜而令我卻步，因為那些分拆了的股票我要找出買入記錄已麻煩，還要按分拆後計算買入價。在英國生活上要做司機、全方位維修員、厨師和全職打工仔，我連睇指數的次數都減少了，我沒打算做全職炒股或基金，我會選擇做回一位小股東，公司營運總會有起落，捱得過自然會有好結果。
上年年尾時候，唔知你有無一刻覺得想全職炒股，見住啲股日日升，心諗做咩自己要日日做野咁辛苦，當你有呢個想法，再加上指數不停倉出高位，通常都係見頂時候，今年開局就話你知炒股唔係日日賺。其實短線和長線投資在我來講都係低買高賣的行為，沒有誰比誰更好，短線要鬥快，長線是要講耐性。短線要日日𥄫住技術關鍵位，一破位就要做野，要做得好就要以一項職業看待，重點是要留可其意自己付人出的成本包括時間和回報。
侵侵上台，政策大變，DOGE監管政府節流，關稅拉高通脹，但又會減公司稅，變數極多無法預測。係時候要付出番啲炒賣成本。今年似乎一係慢跌一係波動市，好難同升市聯系。不過美股熊市通常最長只有8個月至1年，之後可能平靜一排，如果一間好公司捱唔過跌市同高通脹，就唔值得投資。我會繼續實行分注入市的策略，但會避免短線高位入貨。
本來想LIST番自己個倉剩低啲咩，結果要搞屋企野都係無做到。我組合都無咩好講，主力都係NVDA / TELSA / PLTR ，1月以來加入了SOFI。此股由SPEC上市我已有小注關注，最近公司連續多季由蝕錢變賺錢，已符口入指數的基本要求，今年金融板塊明顯轉強，同系還有一隻初期版IB Robinhood (HOOD)，不過我只有跟進SOFI，所以我只買入了SOFI。
最近我才知道 11 月原來是美股傳統基金重新配置倉位的日子，侵侵大勝，唔駛問都要知要侵TRADE，仲要鬥快買。其實今年要搵到輸錢既資產我只諗到腥港樓，可惜我不是全職炒股的材料，全職炒家其實也就是全職賭徒，我的性格不夠狠，喜歡細水長流，這些機會只有留給其他人，我只能依我的方法去買股票。。
AI 被吹捧都不是第一天的事，事實上在我的工作中，CHATGBT 和 MICROSOFT 的 COPLIOT 已經取代了GOOGLE成為了我日常必須使用的工具。有了它，我就像多了許多個初級甚至是高級程序員幫忙做事，幫我快速地解決了不少問題。華爾街那些數佬根本不會明白，AI是不用利潤模式，而係邊個唔將AI放入自己的產品，將來都是死路一條。例如你有用 IPHONE 的SIRI 或 AMAZON 智能家居的 ALEXIA 助理，你會發現他們還是在弱智階段，一旦AI將他們由弱智變成常人一樣的助理，還會有會想用弱智的助理嗎? 你唔用AI另一家公司用，真係間公司死咗都唔知咩事。 所以 NVIDA 的產品毫無疑問會在未來5年都是搶手貨。
不過近來有些股票如 PALANTIR 被吹捧到上天，我覺得似乎有點像無眼看肺炎疫情時又或是當年楓葉國將大痳合法化那樣，被過份追棒，有些升幅也可能是 PUT OPTION 爆煲結補倉做成的瘋漲。
市場仲會升幾多我估唔到，特別係TESLA，不過以往輸錢經驗話我知點都要減持一啲股票，唔好太貪心，大市跌落來時真係會令人個心都流血。TESLA 和 PLTR 我大概不會減，還會等待下跌時再看是否要加倉。NVIDA則會一直月供，美股下跌一般唔超過1年，這些股票我在低價持有，而且數量不算多，有空間堅持。
我計緊數要減持的主要是 APPLE 和其他非核心的持倉。首先APPLE個智能眼鏡俾 META 搶先做出更輕型的款式，實在讓人有些失望，她在 AI 使用上也落後他人，不見得會很受惠。另一重要因素也就是巴郡都在減貨，後生時唔指野無跟機巴菲特，今時今日我不敢再同巴菲特對著幹，我大概會減持4份1至一半左右。
買股票要買得大才可以改變命運，當找到自己能獲利的模式，就要集中時間和財力去做，其他人用其他方法賺錢不代表我能用同樣方法的，所以終於自己資料搜隻、自己的學識和想法去買是很重
首先想講，手頭上倉位的港股現只剩下1038 長江基建，在我決定賣港股前也不知道她會去英國第2上市，過去長遠賭香港前途差既都會輸，那是過去的事，YOUTUBE上還有很多人在說如何救經濟，其實大家都知正確救經濟方法，但又知回到20年前係不可能的事。未來面對局勢大變，香港的金融，建築和地產應該都要洗一次牌，整個行業制度和遊戲規則也要更改，某鄰近地區這幾年的經歷就是民企先死而國企後生，你明我想說甚麼嗎? 我自己開始都唔知想講咩了，總之我倉位已近乎無港股。
今年選舉年，美股股市向好，我倉入面科技股全部都升得很好，特別驚喜的是受恵AI帶動旳 PALANTIR (PLTR) ，所以我都沒多理會。似乎下年先有大調整或大股災的機會很高，所以今年都不會再大手買入股票，MPF則開始分段減倉。
今年是 GOOGLE 上市20年，由上市至今，GOOGLE 股價升了超過100倍，網上要搜這些資料不難，這是其中一篇
https://www.benzinga.com/general/education/23/02/30715582/if-you-invested-1-000-in-google-stock-at-ipo-heres-how-much-youd-have-now
重點，現在在你面前很可能有下一隻GOOGLE，這就是 NVIDA。這股之前都升了5-10位有多，但如果考慮到 CEO 黃仁勛的眼光，不停推出難以置信的產品，實在極似另一隻GOOGLE 或10多年前的APPLE ，不過前題是你要買入後坐得住，準備可能有下跌60%的風險，未來永遠都沒有固定答案，NVIDA 也有可能會中途沒落，因此要隨時留意 AI 行業走勢。要堅持持有一隻股票10年以上，講就容易，做就唔係個個都做到，不過我都會試吓，持續買入此股。
到年尾先有時間再做番個表出來，由於賣樓現金都注入了IB，所有差不多8成是現金，收息用來抵消租金。組合更簡化了，港股去掉了新創建，美股也只是小注加了2隻， 下年首要目標在英國買樓，因此會先專注換英鎊。
一年之計在於春，過去一年自己經歷了許多人生關卡，今天終於可以暫時休息。
美股今年超出大部份人的預期上升，而且升幅驚人，坐住美國股票，時間是你的朋友，即使坐艇也會有返家鄉的一天，至於時間是敵人的股票就不用我說，全球股票下跌的地區屈指可數，如果你做生意，正常都會想要坐貨越坐越升值既生意，越坐貨越蝕既生意就無謂沾手，而且另一世界的沽神永遠不會讓人失望，只要那個他看不過眼的行業一息尚存，總有辦法把那行業打至死。
2023 年因個人因素在美股沒大動作，結果也是損失了低位買貨機會，即使之前1年減了貨也沒有取得很高的增長。過去的已過去，來年大選，做個預測作為自己的計劃，簡單來說，所有壞因素都係等10月大選後才會反映，10月之前可能會有些大調整，不過都會是平穩過渡。
港股我不懂預測了，有大師估計港股會上40000點，我很贊成，如果港元兌美元由7.8跌至7800港元換1美元的話，40000點港股不會是夢，如果有如果，我早就發逹了。給合中港股都係坐艇，由於人已不在港，無法感受到市面氣氛，很難掌握一手資料，但艇已坐，唯有繼續收息再見機行事，但我隨時也有心理準備一有唔對路就清倉，雖然我仍然覺得港股會係陰乾式下跌，但幾年熊市總有幾個月牛市可能出現。
一部車引擎壞咗，車主心知換唔到另一部引擎，日日係度講話車軚、避震同波箱有問題，架車都係只會繼續壞落去，最終引擎換唔換到無人知，但未見到換之前，架車都唔會正常行到，我唔會想坐呢架車。
英國股票我還在觀察中，不過可以公開一些我沒聽過別人介紹的名字集思廣益。
NATIONAL GRID
英國電力公司都是私營的，英格蘭的電力公司都是向這家公司租用電網再轉隻，所以穩陣收息來說這家才是不能倒的公司。
ALDI 超市
這家德國超市在英國今年的增長驚人，不停開分店，而其工資比初級醫生時薪更高，是最讓我印象深刻的公司。可惜的是這家公司只是私人擁有，沒有上市。替代的公司就只有 COSTCO，它在英國分店不算很多，不過我親身經驗其英國的店也是很受歡迎。在英國，PRIMARK 之類的時裝店是好，但超市才是必須，在英國這個不太流行實體店購物的地方，實體超市遠比其他鋪頭重要。
是咁的，我有個鄰居，日日係屋企大大聲話要打我好憎我，仲俾我聽到，但平日出門見面，佢又再我推銷佢自己造既鞋，相對這樣的人，你會有咩諗法，無錯佢精神分裂，所以我係唔會同佢買鞋，不過之前未認清楚佢，幫佢買落咗啲鞋，未搵到其他人補鞋之前都仲迫住要幫襯佢，但我又好驚佢攻擊我，心情好複雜，只能寄望有日佢自己去睇精神科睇好佢，不過呢啲症狀通常只會越來越差3、5，7年後最後搞到警察捉去精神病院。
幾經辛苦終於在英國考車牌成功，開心到幾乎喊出來，又要忙住為出車做準備，所以只能寫得很短。
之前幾個月大上大落一輪最後又回復原來的情況，正面向好，通脹似乎受控，息不加但也不會大減，如果股市太熱，聯儲仍然會出手打壓，所以大市還是平穩居多。其實巴菲特俾人覺得勁既時間一般都係熊市多，牛市啲人會話巴菲特唔掂，依家係就業市場唔太差但生意好難做，對中小企來說是經濟不景，錢都集中到穩陣之選。
12 月尾美股可能會有突襲式下跌，特別是期權結算的12月第三個星期，不過中線問題不大。
由於英國報稅很痳煩，我停了買賣，只賣了港股 659
英國車保費加到離譜，個個都嘈，令我不得不留意英國車保公司 Admiral (ADM)。英國股票吸引到我的暫時沒太多間，不過都有啲唔錯，搞掂完報稅有時間先再寫吓。
至於另一個世界，由萬年大計又轉回百年大計，想開拖先發現自己啲 19 軍事力量完全唔掂，無得開拖咪又扮吓友善，不過仲有人信果個果個就係儍仔，不過一個地方衰弱都係波浪式一波一波下沉，好少一插到底，以現在來看也是如此。
最近考完車失敗又要再準備，同時也在處理人生大事報稅。英國報稅真是會令人投資意欲大減，特別是增填稅份，真的要每單賣出都要說明來源，還要按官方滙率轉回英鎊，煩到我都沒時間寫BLOG。
我以為英國有平盤執，怎知誠哥都有平貨益大家。強國和海港的地產都爆緊煲，相信都無咩爭議，關鍵是如何救。不過以近年的先例，市場背後有位高人，名叫大雜蟹，他大概是劇集大時代中丁蟹的親屬，無論如何都是無法改變，簡單推論結局只有2個，一係個奸角香咗，一係套劇爛尾收唔到科，2個結局都唔多好，我開始唔知自己講緊咩，總之生活水平一日一日慢慢咁變差。
美股等爆煲睇怕都係出年選舉完先講，今年經濟半熱半冷其實幾好炒，可惜我唔係炒賣高手亦無時間睇市，賣樓後都是買債為主，都係專注本業先。
講起債講多少少，前2年2.X%買了港府的債券，諗住即賣，點知坐了艇，結果坐到今日定存都有4%，雖然今天債券很可能已步入底部，但似乎許多人沒有想過，息率維持4-6%不停上落持繼2年的話，買債是穩陣但未必一定可以大賺的，買了債券基金也可以坐艇。
想講的都寫完，又要趕工報稅同學車。
美國暫停加息，英國卻意外加息，不過政府已經在用各種政策調查超市有沒有違規經營，相信對下月公佈通脹數字有點幫助，可是業主按揭要承受6%息，英樓市跌定會有批減價貨推出市場，美股上半年急升，以現在的息率，下半年唔調整都應該橫行休息一下吧，市場仍然關心公司是否能賺錢，相信未到嚴重泡沫化的時候。
港股 659 有機會被私有化，不用我思考要不要賣出了，2個月前手多買過中電期權收回來的貨現在也出清，剩下的還是收息，等價格稍好便出清算了，只要有一日那個不懂經濟的人想不按規則日日下大棋，不停消磨自身國力做出許多偉大又驚人計劃，有他存在我也不會再沾手港股，捨難取易的市場是我的投資習慣。
APPLE VISION PRO 新產品有個很大的問題，就是貴，好貴，USD 3000 不是人人能買的，可是除此以外我想不到有甚麼問題。如果說貴要看你是甚麼人，對於一眾富豪和明星，這不算甚麼錢，相比 META 出的 QUEST 是一件垃圾級遊戲機，VISION PRO 將真實和虛擬結合，卻可以取代以下產品
家庭超巨型影院
3D 影院
大電視 / 大電腦屏幕
它本身也是一部MAC BOOK，只是用虛擬鍵盤
所有WORK FROM HOME 開會設備，而且提供像真度極高辦公室
現場一樣的 NBA / 足球賽，你不用買VIP 飛看
還有一些未能想像的新用法或遊戲(簡單如手機版切生果遊戲搬上去) 不計算在內，講完咁多，公司賺到幾錢?，這件看來簡單的玩具實際上結合了大量新技術和硬件，需要至少2-3年時間讓產品成本下降，不過我結論唔等下年業績了，下次 APPLE 股價有調整我會再增持。
6月份我個人生活有許多變化，我和太太很神奇地先後找到工作，生活時間表要重新調整，又遇著親友來訪，真正忙到抽抽筋，本來計劃7月全力學車，結果又要調整計劃。
早幾個月，人人都看淡實體經濟，技術分析又處熊市，於是中外一致大部份人看淡，結果股市指數沒有大跌，而QQQ和晶片股近期卻大升。其實經濟分析沒出錯，經濟的確是有通脹，息口高生意也不易做，可是晶片業卻一枝獨秀，大公司在經濟不景時不易倒閉，反而更易請人，慢跌的股市不會每一隻股都下跌，專注做淡賺錢的人是關著悲觀心情，做生意做人悲觀是很難過的，除非你有梁朝偉那樣靚仔靠憂鬱眼神可以搵食，否則樂觀才會容易成功。
至於技術分析，我一向都覺得是股票價格人人都係靠估，人人都用同一套分析，所以那個套路才生效。可以 NVIDA 正帶領著一場 AI 革命，如果看技術分析這股票已見了很多次頂，PE高、RSI 超買到難以致信，在高位很危險，但由於公司基本面有無限可能，童話故事式增長有可能成真，萬一真的做到，10年後看現在賣出就變成了儍仔。
最後還是要回到公司基本，AI 大潮一日未退或 NVIDA, MICROSOFT和GOOGLE這些公司未變質，我想我都不會輕易放售手上的股票。
另外要補充一下，GHATGBP 的 AI 能正確理解人類語言，主要是靠大量記下即時對話中的所有文字包括之前的對話，再加上前期基本數據訓練的分析結果，除了要高速的GPU，還要有大量的數據中心去訓練AI，記憶中只有 GOOGLE, MICROSOFT, META (FACEBOOK) 是有這級數的 AI 實驗室，那個AI 語言模式理論是由GOOGLE發明的，過往GOOGLE只是因為道德問題封印自己的AI 功能，相信為了競爭，GOOGLE都顧不了那麼多，反正結果以後大家都無咩 OFFICE 可以做，GOOGLE 手上還有很多類似的寶貴技術收蔵著，例如長生不老藥，而GOOGLE在未來還是會在科技界佔一席位。
不過今個月我加了另一隻股，用期權的方法買了另一隻細價的軍工股平衡自己的組合，那就是我之前都持有的PLTR，這股應該也會受 AI 潮流帶動。
今個月忙，只能長話短說， 5 窮 6 絶，7 番唔番到身未知，上半年個個話跌都係升，下半年鮑威爾都睇唔透，仲有邊個夠膽出手，結果都避險避咗去大型美股，黃金和加密幣，中小型股跌到嚇人。不過生活上的通脹應該大部份人都感覺到，根本係控制唔住，特別是俄烏兩個糧食原料供應大國缺席，人工增長又壓唔住，息率維持高位機會大，息率回落機會還是低。
我都係果句，大跌市巴菲特傷過我好多，佢都無清倉，我唔係短炒高手，穩穩陣陣KEEP 住手上啲股票債券算。
香港樓終於賣出，蝕15%，希望成交會順利，香港作為大灣區龍頭，仍然會有人湧入，像東京大板一樣，不過樓價會面對通縮，但至少租金因通脹上升扺消價格下跌，如果沒有新的因素改變，反覆慢跌機會比急跌大。
至於香港股市最大的風險打仗，我覺得其實機會很少，因為根本不夠打，不過有時太多擦鞋仔圍住領導，領導會不會做超乎想像的決定很難說，考慮到這點實在是難以預測，為此還是要有應變的準備，世界那麼大，不一定要留在一個地方。
由於賣樓多了一筆資金，又要準備投入到IB，心目中已有一個英國收息組合，息率有7%以上，之前沒興趣是因為稅的問題，現在無論如何都是要交稅，就可以放心買了，名單當然是待我買完先公佈。
在這裏生活了一段時間，找工作比想像中多阻礙，不過也在預計中。
4月有許多事情發生。包括矽谷銀行爆煲和楊紫瓊套奧斯卡奬，不過在我的朋友群組瘋傳的主要是另一個消息，那就是香港出現首位日本AV 女優和其介紹片段。一開始我以為係我這個草根的男人圈才會如此，但之後發現許多KOL和傳媒都在討論，對於一般人來說，銀行實際上沒爆煲，其影響還不如AV女優。
銀行擠提其實都不是甚麼新鮮事，只是QE之後似乎都沒在歐美出現過，由矽谷銀行燒到瑞信，美國政府和瑞士政府先後出手救，不過瑞士就唔救 CO CO BOND 買家，又引起另一次恐慌，到3月尾似乎一切又如常，股市波動不算很大，政府會緊張救，那就不是大危機，最怕是政府出錯政策救錯，但目前看來不像有大問題。
去年加息由差不多1厘升到差不多4厘已是近 400%升幅，科技和加密幣圈早己進入了寒冬，然後燒到矽谷銀行，再影響科技業以外的其他銀行。英國的就業和地產開始有些放緩，但通脹仍高，相信美國也不會差太遠，BBC 已經常常在討論，息口再升，更多供樓的人會頂唔順生活壓力，加上歐美銀行爆煲，息口見頂可能性越來越高，只是不會經易回落，或者最多也只能回到3%左右。
3月期間我犯了一個低級的小錯誤，HSBA的期權合約到底是1000股一還是100股，我在倫交所的文件中找了一段時間都找不到答案，結果去了外國論壇問，有人給出的答案是100股，本來只想膽粗粗買1張合約試試，結果我見期權金豐厚，就貪心買共買了2手，結果要接貨才發現一張合約是1000股而不是100股，最後我終於在倫交所找到相關文件，原來每隻股票的合約有不同，有1000和100 2種合約，但我還是找不到剓所有股票期權合約的列表，看來還是要些時間看清楚才買賣英國的期權。
以上錯誤的結果，我將港幣轉成英鎊去接貨，香港股市的升勢也因銀行爆煲中斷了，反正我始終都不想在香港接重貨，將錯就錯，就集中在美，英 2 個市場找機會好了。
ChatGPT的擴散越來越快，造出CHATGPT的是天才，而會用這個工具的都是普通人，連只懂賺錢之外甚麼都不懂的腦細都知怎麼用，才是它能快速擴散的原因。至MICROSOFT已極速地在各位OFFICE中加入大量AI功能，其功能如自動寫會議記錄 SUMMARY等，足以取代秘書職位。GOOGLE 也推出了競爭產品 Bard，但聲勢似乎差很遠，其功能也比ChatGPT弱了一點，加上其它圖片影片生成工具，AI發展已一發不可收拾，1月開始 MICROSOFT, NVIDA，META 和 GOOGLE離奇的上升（當時覺得）似乎就是部置炒 AI 概念。和 AI 有關的程式員又搶到天價，科技界似乎又找到了新的炒作主題。不過我這類普通程式員卻在擔心變夕陽行業，可能改行去做鋪磚工人或賣小食會做得更持久。
在 YOUTUBE 或 FACEBOOK，有時會看到一些題目，說打工仔在為老細服務，老細成功，自己卻一無所獲。這次銀行爆煲，我想作為老細肯定驚到腳雪，因為除了要想如何增加客戶，還要日日擔心無錢出糧，甚至在銀行的錢會不會一鋪清袋，老細成功當然好，但不成功的老細有多痛苦似乎沒太多人會說，打工也有打工的好處。
