在英國落腳開始穩定，又要忙住搵工。投資組合遇著熊市，本來想再做些調動，不過生活太多事情要處理，加上時差問題，想買些港交所期權，但我要很早起床先做到買賣，天寒地凍起身實在唔容易，反正都係要報稅，我想我還是主力放在美英市場算了。
我們複雜的總領導(簡稱: 雜總)發現病毒突然消失了，取而代之的是新型感冒，於是由堅持無限 TRAINING 180 度變成鬥快感染肺炎，10 月時還是堅持TRAINING，讓我以為仲有排清零，點知轉頭隻病毒已經唔係肺炎，變咗感冒菌，到底我們在面對的是甚麼敵人，媽我好亂呀? 雜總會唔會轉個頭又話要收緊，或者一放就亂，亂到收拾唔到? 照睇就應該唔會既，不過世事難料，始終雜總是關心人民的，一念之間就可以反轉，如果現在ALL IN 撈底，你要求神拜佛雜總不會再有神來之筆的政策出現。
通關係打通經濟血胍，使經濟走上復常的路，對樓價無論如何都會是好事，買家們日日失業蝕錢，何來購買力。樓價下跌有幾部份，加息、經濟差、移民，英美只有加息因素樓偎都要跌，所以港樓價中期應該也不會好得去邊。我層樓也終於可以放賣，估價蝕咗10%，同我硬食額外SSD辣稅差唔多，不過英國樓市也在降温，而英鎊也下跌了，如果以換資產的角度看，相差不算很遠，希望未來幾個月樓價會有反彈。
股市熊市最急跌一段相信已完結，不過尋底可以很漫長，以我認識過的航運業為例，早幾年合併了日本的幾家船公司成為了一家 OCEAN NETWORK EXPRESS，韓國的 HANJIN SHIPPING 也在那幾年破產了，現在回望那時侯應該是真的見底了，在見底之前差不多10年海運航運業都未見好景過。然後到了 COVOID 突然就有了轉機。底部係令人沮喪到一個點，完全對前景無希望，但好景會突然之間來的很快，做生意同買股票都有守的時候，期望一朝發逹只有靠運氣，今年應該要繼續收集股票。
突然想起了這金句想貼出來
