投資廢論 2026 9月 - 停不了的 AI

年頭 GOOLGE 同 NVIDA 都發公司債，因為咁樣即係睇淡債券，預期息口會升所以先會現在大量發債，我有點無法理解，現在聯儲局加息，似乎有了答案，巨頭公司的財務人員似乎對債市都有啲見地。當各AI巨頭都發完債集完資，團積完晶片同算力之後，就同你講要監管，你地同呀東方大國領導講咗先，佢肯帶頭停大家先再傾。

每日新聞消息有很多，已知事實情係能源價格會在80以上高位持續，波斯國現況可能持續未知既長時間，正如美帝旁個雪咖國到今時今日都未死得一樣，息口向上，資金收緊，明年仍然會有機會持續，不過沒有過度借貸的跡象，或者講年中 AI 都已經爆咗一煲，高麉國班儍散們已成泡菜被吞食，美股也失去了年初時那種古怪氣勢，回復正常浮沉慢升格局。這種通脹高息的情況投資環境對投資並不友善，不過實力強橫又有現金彈藥的 AI 公司也不會受影響。AI 依然在高速發展，日日都有新事物出現，詳細在後文再講。

總結: 10月11月正常都會有啲高潮再有啲調整交替出現，不過都係正常波幅，估計在100天線都之內。咁多廢話手上既美股都係不會有太大變動。

NVIDA 

依然係主力，會做 195 SHORT PUT，也可能做些SHORT CALL 幫補吓

TESLA 和 SPACEX

SPACEX 上市如果你都有損失，咁係你貪心，200 蚊3萬億市值都唔放，不過我用IPO買，我都係貪心無高位放，賺少咗一部普通 IPHONE。TESLA 同 SPACEX 2隻股票其實性質好相近，2隻都係高PE，2隻都係買ELON，不過又話SPACE X股東解禁股價會跌，但都無人賣，個價好硬淨，我正考慮用來做SHORT PUT。

PLTR

又返去175價位，之前低位有買，但都不算太重注，本來期待9月會有機會突破再上所以做了SHORT PUT，結果無再升，只收期權租。目前價位不特別吸引，只會緩慢買。

SOFI

最近仍然有收集，因為佢始終未入指數，出年仍然有機會炒入指數，我會再收集。

VERIZON

一直都想清走，終於見價位不錯清倉。有 STARLINK 的出現，VERIZON的發展前景暗淡，最終只會成為 STARLINK 其中一個零售分銷商，暫時看不到持有價值。

TEM

藥葯公司我一向唔太喜歡，不過 TEM 展示出了AI 如何幫助藥物治療的神效，加上國會女股神佩洛西加持，可能會成為我SHORT PUT 新目標

ROLBOX

 網上社區一個，間公司無咩特別價勢，不會再加碼，會考慮清走

INTEL

國會股神佩洛西先係真正期權高手，佢玩 IN THE MONEY CALL簡直係出神入化，大家有興趣自己研究吓，佢最近目標BLOOM ENERGY 同INTEL CALL，BLOOM ENERGY 原來入指數，已爆一段，剩低隻 INTEL 我係有啲興趣再做CALL，不過我想等調整出現再出手。

VUSA或其他英國指數ETF

AI和科技以外的股票我不太想花時間研究太多，直接研究買 S&P 500 ETF好過。未買。

講番AI

AI 發展早已由個人對話進入另一階段。代理自動化幫人做事開始落地，AI為科技以外行業產生的成效也開始落地，總結一下我近排見到既發展

網絡保安

OPENAPI 逃出黑盒單野，其實同逃獄專家或OCEAN12 電影情節一樣，係極度聰明複雜既過程，已超出人類能力，所以CRWD 網絡防禦公司其實係無咩用，只有用多個 AI獄警守護AI犯人既方法先有可能保護，問題來了，如果AI之間夾埋反枱，人類係難以知道，到知道果刻熄機既話，無咗 AI 世界又會大亂，我想我們應該要有一套無AI既應急程序來解決問題。

西方大國

- 開源地區正在建立 AI 編程的地區出來，寫程式監管檢查到程式運作自我進化，每日都有大量AI 新產品出現，極度活躍

- AI 主導既的士 CyberCab (或英式叫 RoboTaxi ) 正式接客

- AI 代理產品落地，正加快佔領人類桌面。例子

         - Grok Bot 真人SHOW演示如何用它去建一間公司

         - Amazon 推出 AI 桌面，龍蝦都唔駛養佢就幫你做野

- 公司 TEM 展示出了AI 如何幫助藥物治療

- 大量失業已經出現

東方大國

- 屍釘 2.0 日日生產短片，而且質素越來越高，不過除了"問蒼生"之外，其他片都係浪費你人生，同隻"白養"APP 係一樣

- 研究做 AI 士兵

- 日日研究點運晶片入來同蒸漏人地模型既資料

- AI 監管產品肯定在發展，不過無人會知任何消息

- 大量失業已經出現

跟住就係另一大題目: AI毁滅人類，我都唔知可以點算。相反來講，如果有人同你講大家不久將來都會發逹，你又會唔會信，因為機會低，咁機會同樣都低既 AI令人類滅亡，點解又要咁驚? 雖失業已經殺到，見步行步，樂觀面對將來，如果個政府係向人民負責，佢地點都要做野安撫人類，除非佢地唔駛負責，咁我就唔知會點。

最近睇到段片講快思慢想，人類腦袋本能原來都會對驚嚇警告先作出反應，比較少會第一時間思考其真假，例子就如原始人聽到草叢有雜聲，第一時間不是辦別草叢是否有老虎，第一時間係走人。

其他廢話

最近中文媒體都有唔少講回流。我想更正一下，攞住外藉番生港(以後好聽啲唔再叫傷港) 呢啲叫移居，佢地除時可以再走。只有攞唔到外藉，財力同適應力不足先會回流，係被迫居多。咁既人才你地中文媒體咁緊張叫咩呢。有錢既，日日開口講愛國，然後仔女當然係去外國讀書生活，你唔係唔做呀，我都識唔少生港人係咁，仔女留係生港真係一片光明，你無聽到最近有個晶華定背大學生話生港應該要接"聞花大革命"咩，消失年代既"大機方"同"煩佑運動"都可能重現，資產階級共同平民共富，走出去既人真係唔值得擁有。

走出去既人都唔容易過的，臨近中秋節，其實有點失落，因為無得同屋企人朋友聚舊食飯，不過幾年下來都開始習慣了。

投資組合2026年5月

由於使用了Microsoft 版CHATGPT 的 Copilot 365，令我可以極速將 2 個IB 戶口的帳單合併計算出這個組合，希望之後更新次數可以多一些

NVDA 29.52% 

TSLA 29.17% 

VZ 12.68% 

PLTR 11.78% 

OXY 3.92% 

MSFT 2.88% 

PDI 2.24% 

GOOG 2.09% 

VUSD 1.66% 

SMIF 0.94% 

BATS 0.90% 

SOFI 0.80% 

BLND 0.62% 

AEWU 0.61% 

RBLX 0.17% 

HOOD 0.04%

投資廢論 2026 5月 - 向太空擴張領土

美國政府最近公開了許多 UFO 的檔案，大家都在討論外星人是否存在，我自己都相信有外星生物，不過美國政府公佈既所謂證據太流，連一張外星生物既相都無影到出來，然後啲流傳已久既外星人故事就不停發烤，侵侵咁樣擺明係制造太空話題幫SPACEX造勢。太空竸賽從來都關乎軍事國防，而非單純生意，東方大國用政府錢來發展，美帝就選擇用股民既錢幫手發展太空事業。

年度觸目股票3部曲 SPACEX, OPENAI 和 ANTHROPIC 頭炮已確定6月12日上市，未上市已經有美國政府幫手造勢，最大股東馬斯克要1年後先可以賣股，指數公司改例，上市後不久 SPACEX 又要入指數，估值係貴到離地，但流通股票數量亦可以預期少到離奇，貨乾既話就會好似曾幾何時既騰雞由 300 一路乾升到 700 咁，炒上 2 億市值以上幾乎係預期之內，至於 N 月之後又同你跌 50% 或 60%，WHO CARE? 股災全部一齊跌市好正常，貴從來都係你既問題，唔係 SPACE X 既問題。一般散戶都係上市初期唔買，等升到天價先忍唔住追入，然後先中伏，我未必會持有股票，很可能會買期權 CALL 來參與一下。如果我係大戶，呢3隻股未上哂市，我老死都會托住個市，至少會托住相關產業。

帝國和波斯談判仍然反反覆覆，事實上2邊要再打既代價都高，不過傾唔掂都好，有船出到被封既港口即係油價應該都控制得住。付出最多的應該是擁有機場的 UAE同卡塔爾，本來好地地似傷港咁食緊東方大國、日落帝國同美帝幾家茶禮，一場丈嚇走哂佢地。傷港人都少咗搭佢地。

美股

NVIDA

業績依然係強勁既 7X% 增長。NVIDA 已過了當炒期，暫時都很難再大升，不過我有些新體會。這家公司每年賺過千億現金，皮褸黃每年都投資不同的公司，其實他就變成了像AI 界巴菲特那樣，在 AI 和 GPU 領域不停插旗。INTEL 是一例，晶片需求之大，不會只容下一家台積電，還會有其他公司生產才行，所以他投資了INTEL。另一家已入股的公司 COREWEAVE 本來是做比特幣礦場，現在改行把原有的伺服器變成運行 AI 語言模型，出租 AI 算力，這根本就是 NVIDA 延申既一種服務，NVIDA 每年都不停擴張，變相係"由皮褸黃幫你投資AI"。

PLTR

有些財經新聞定KOL 說 PALATIR 公司會受 AI 影響，但其實我想講佢地真係唔識。PALATIR 係M7 未炒人之前，已提前至少6個月炒人，當時係業績公佈後，業績好但炒人，我覺得超乎我既理解，後來當然明白原來因為用 AI 就可以炒人。另外PALATIR 公司的架構，有個叫FRONTLINE ENGINNER 的職位，就是在最前線接觸各路工作人員，吸收各種監管和工作要求後即時用 AI 修改不同系統去配合工作，這架構應該是其他軟件公司學習對像，這家公司是最懂用 AI 的軟件公司，而不會是被 AI 淘汰。上次我估150 會見底，結果現在 13X，合理估值應在120 左右，現在是安全買入，不過未必會再有爆發增長，但穩定長期增長也會讓這家公司有天再成焦點的。

TESLA

今年焦點出哂 SPACEX ，TESLA 自然無咩人理，我也只是維持少量月供式增持。之前 TESLA 通過的股權激勵方案，馬斯克要令公司市值升多8倍先可以收到股票，我諗唔明點做到 8 倍升幅，SPACEX 同 TESLA 合併似乎係必經之路，據 GOOGLE GEMINI 資料，馬生現擁有約 86% 的不合理地高股權，但如果和TESTLA 合併後，他的股權就會變成接近控制權 50% 的分界，這很難不讓人聯想到合併之路。

其他股票

另外我也想用期權買入一些美光 MU 和 SANDISK，我只知遊戲機會用SCANDISK，儲存不是我所知領域，但因為AI 使其爆發的股價太吸引，令我只想參與一些短期炒作。

我4月尾想買個 INTEL 既 CALL，但成交唔到，5月時因為有家事回了出生地，同時也錯過了精采的升浪，不過INTEL這家公司目前仍然只是受恵政策，是否值得持有還要留她的產品是否真正有改善，此公司值得監察，但還未有信心領我長期持有。

AI 發展

AI 競賽，有泡抺有非泡抺部份。

非泡抹成份

1. 用咗AI ，可以炒人

仲可以炒啲人工高既投行交易員、律師和醫生等，用 AI 老細最開心。這是可預見的

2. 軍事

波斯和鬼內瑞拉已經示範了AI 對國防有幾重要，政府都要全力支持。目前領先的 ANTHROPIC 最新的模型 Mythos 唔俾公開用，因為勁到世上保安最強，即係最難用既 FREE BSD 都可以被嚴重破解，如果用係戰場，你話專用山寨系統既東方大國點算好。唔投資 AI 連國家都生存唔到。

3. 未知的能力

AI 可以做既事，好可能超出人類想像，就像 DEEPMIND 玩圍棋玩出人類從未想像的策略，將來長生不老藥、無限能源會唔會都因 AI 而突破限制，這才是 M7 巨頭最緊張的事。而且 AI 是第一關，之後還有 AI + 機械人、 AI + 無人機等各種可能，現在只是 AI 比賽的頭關。

泡抹成份

M7 大企為了生存，都在出重金搶人和物理資源。情況有點像古代青樓花魁競投，大家鬥出高價搶，花魁未身值幾錢已唔重要，最重要從對手手上搶過來先。剛性需求都是來自科技巨頭，這些公司收放都可以好快，今日俾大錢，下年如果發現唔對路佢地都會收得好快，不過睇個勢就應該唔會收得咁易。

其他感想

石油價錢十幾年來都係 50-100 美金，沒有和通脹或黃金一齊升，因為其他能源取代了石油，令石油價表面上變化不大，實際上是卻不停在減價，同樣道理，一個地方的股市和樓價來來去去都係差唔多價位，每年平均升得2%都無，跟唔上通脹，其實係唔係代表跌緊價呢? 實在值得人反思。

近日回到出生地，雖然是很短的時間，但看到這個地方的學生似乎有一半已不是說廣東話，到處都可以使用強人支付，似乎2地融合得真的不錯，不過我和家人在行街時被誤認為遊容，被批評阻住條路，我覺得在這裏居住的人似乎有一股極重怨氣無處抒發，可能我錯覺吧。

投資廢論 2026 4月 - 戰情激烈

好激烈呀，英超聯賽進入最後直路，阿仙奴到底今年有無冠軍攞到呢，戰情已進入白熱化 .. 大家係唔係以為我應該講中東，其實有咩好講，美帝微創手術式打仗，斬首又斬哂，軍事野又炸哂，家吓趕狗入窮巷，封咗個海，都唔容易搞。美帝有委國油自己攪得掂，係歐州亞洲唔掂，亞洲作為生產國，也會帶動輸美的物價上升，帶來通脹，影響領導。不過美帝要走其實唔難，係差在走得好唔好睇。封海單野，講緊數，大家鬥大中，所以都幾驚嚇。

美股

之前入咗貨都要坐艇，不過這些年都慣咗。當市場驚嚇同 SOCIAL MEDIA 啲人靜哂，無人再吹自已嬴幾多，我都係會儲貨。NVIDA 175 SHORT PUT又接咗貨， TESLA就小心啲散買緊。一路買一路跌，平均成本法講就容易，但其實都唔係人人做到，就係呢啲跌到人心驚既時間，家吓就係平既時候但無人敢買。

如果你話睇圖表，短線已經做咗隻腳，等緊另一隻腳出，不過其實一切都決定在戰爭情況，所以很難預期，我目前較多關注我買的公司，也不想大市太多了。睇少啲媒體特別係中文媒體，應該個人個心會定啲既，我同自己講你係散戶就做番個散戶，唔好扮基金經理

AI 發展

打波斯時美帝用咗 AI 公司 Anthropic 提供的AI來幫助斬首。AI 公司競爭是另一個更激烈戰場。你今時今日係屋企煮飯洗衫，應該都係用電飯煲，焗爐同洗衣機，唔會自己再生火同手洗衫。在 AI 業界，寫程式唔再係手寫，AI 同時發明咗電飯煲，焗爐同洗衣機及QC。我最近都在試用Anthropic公司既 Claude Code，我只能用震撼來形容，我只是寫出程式要求，2分鐘內就生成了一套基本可用的程式，而且有齊生成程式，測試。有些高手還要不只是用一個AI 對話，係同時用幾個 AI (稝為SUB AGENT) 做唔同既事，大家各自對話。結果係波斯戰爭已經示範咗俾大家睇，人類要用幾個月去分析戰場情報到調動武器發動既功擊，幾分鐘就搞掂咗。不過你唔好似為人可以做少咗，我覺得只係留得係職場既人要做更多更廣泛既事，10件事本來要10個人，可能減到3個再+100個AI去做，仲有1個人係新人留來培訓。AI 最恐佈係佢自我學習能力幾可級數咁上，再玩落唔知可以做到幾高層次既事，可能5年內一間公司只要一個人去SELL 客，售後服服、會計物流咩雜項都變成AI處理。所以AI計算單位 TOKEN 好可能成為以後生產力代名詞，掌握幾多TOKEN + 機械人 + 能源成為了新的生產力命脈，同時也是國力的代表。不過，我呢咁亂來既寫文方法應該AI仲未識寫。

如果有產品可以取代 APPLE 手機的話，我覺得目前就只有能完全將 AI 功能發揮出來的一件產品，但也可能最終還是 APPLE 能做到，不過 APPLE 只是一隻穩定增長硬件生產商，沒有了軟件的優勢，我暫時都不會再考慮。

其他廢話

英國油價都升咗接近10%，香港平民唔用車既話，生活上未必感應到能源有幾重要。係英國生活你就明，本來能源成本就高，環保能源時有時無，連開洗衣機都要珍夜晚電價平時去開，本來唔平既電費氣費若果再上升，對平民生活影響很大，運輸成本再增高，所有生活日用食品都會脹價，帶來社會不穩，好彩夏天仲有太陽能補吓手，冬天真係會變災難。我係咪只係講緊英國呢，一定係除非唔係。

同某啲國家唔同，波斯不但國土較南美小國大，宗教對人民既團結的應該超出侵侵既預計，我曾經同本地來自中東既司機傾過，佢話果啲教友有部份真係錢都唔要，又唔怕死。不過我相信高層從來都識計算利益，經此一役，美帝對手領導由推人去死先，變成領導先行過世先，那些領導應該終於識諗，更加明白世界和平既重要，代侵侵講句，齊齊搵錢咪好，搞咁多目標無謂做咩。

2026年1月 - AI 泡沬爆破 VS 後生無工做

大市

2025又一年，學連登咁講美國佬又搞掂，經濟不温不火，關稅照收，侵侵團隊除咗侵之外，有不少經濟及關稅專家在陣，我一直都不擔心他們的政策會整死股市。9-10月的升市和之後的跌市，的確是來得意外，那似乎和加密幣泡沬爆破關係較大，而不是真正的經濟危機。

YOUTUE都有好多人講AI發展，我都唔重覆，我這個老散的觀點簡單而言有以下3點:

1. AI 需求不用懷疑

我比較擔心AI 取代咁多工作之後我啲仔女仲有咩工可以做多啲。一將功成萬骨枯呀，AI 公司是來自整死生人既工作職位。2025年 OPEN AI 的確引發了一些泡沫，因為OPEN AI 是細公司，它必須要不停掙扎擴張，才可以維持投資者和員工的希望。作為一個程式員，我日常的工作因AI幫助而效率大增。

2. AI 生產有樽頸

所有電腦核心元素晶片、記憶體、能源都有限制，大家在出盡方法突破，會有許多機會出現，這是需要留意。

3. AI 相關公司盤數既問題

華爾街既人會睇到既已經唔係問題，有問題佢地一早出哂貨。佢地睇唔到既先會係問題，而佢地睇唔到既話我都好難睇到，我信 CEO 往績和信用好過。

TESLA, NVDIA 已經成為我食的主加，PALATIR 在150 似乎有不少承接力，但這家企業比較神秘，我也不太了解它再快速增長的方法，我覺得股價有機會橫行可能長装整年的上落情況，目前只是保留已買的貨。

GOOGLE

矽谷創辦人布琳回歸，2025下半年推出的產品完全有番以前的霸氣，市場推廣到產品可用性都回復正常，GOOGLE本來就有個日文名叫"本多終勝"，即係大把錢燒，軟硬技術都全面，巴郡又入股打底，300 個價位是極安全，我的免稅倉已經有少量貨底，我也會再持續加入，但價格會比較小心，不會急於買入。

加密貨相關股

ROBINHOOD, ROBLOX 我都加入了少許到 ISA 免稅倉，我以前都有現加密貨幣，但現在已沒太多理會，我也沒興趣炒幣，我沒時間再開新的範圍，這2家公司都是加密幣世代相關的股票，現在加密幣處於低潮，股價跌得夠，才讓我開始有興趣收集。ROBINHOOD 是加密幣賭場，而也在擴展到POLOY MARKET，夠進取，ROBLOX係我個仔知咩來而我唔佑，就買少少讓股價告訴我那個會跑出。

從失敗企業看成功方程式

M 7 點解可以一支獨秀勝過其他公司，其核心策略就是冒險精神。最近有一間叫 iRobot 的公司破產，這家公司原本在掃地機器人領先，但領先過後沒有再投資在新的技術，或者投資方向錯誤，結果平價市場被強國佔據後，最終導致今天破產的局面。NVIDIA, TESLA 到 OPENAI這些公司一開始就不是一凡風順，她們都是一直在冒險前進，把蠃了的錢賭完一次又一次，一路不停押注。若留戀舊有的賺錢模式，沒有大力發展新技術，很快會被人追上，科技界是 WINNER TAKES ALL，首先要令最多人使用你的產品，之後自然有方法賺錢，GOOGLE SEARCH / QQ / FACEBOOK /  YOUTUBE 全部都是透過這模式成長的。風險是華爾街投資人要迴避的事，可是科技公司就是要冒險革新技術層才可生存。至於歐洲，就一直只懂在現在技術下加強規管，所以勍越來越窮。

生活

以下和股票無關，沒興趣可以跳過。

最近一場大火，有許多人已經在支持那些災民，也不需要我幫手，因為即使身在海外，也不太方便講太多，大家都要信政府呀，我知道大家都生活健康愉快。不過我都要提提大家往後生活要注意的原則。

1. 後台硬 - 當你要批評別人要先想想你有甚麼後台，你批評的人有甚麼後台支持，確定你後台較硬才好說話。

2. 人走茶涼 - 無論是甚麼公司職員或官員應承了甚麼事，人一走，茶就涼，所有事都無保論的，這原則至少由1800年開始到現在都有效。

最近有位朋友打算離開英國回到出生地生活，我想認真勸大家仲未走既諗清楚，你是否夠開放心態放棄以前既生活，180度改變，若果你在新居住地生存都有困難，又何來談生活和其他事情，生存要優先考慮。

話說英國除了足球，賽車拳擊和飛標都好流行，最近 NETFLIX 有套拳賽由 PAUL VS TYSON，TYSON 是正式拳手，PAUL則是網紅而非專業拳手，每次都約戰一些精手挑選的對手，也當然每次都WIN，因此有了些名氣。NETFLIX 找這 2 個拳手作賽，成為話題之作，結果PAUL整場比賽一直避，TYSON 又拖拖拉拉等到好遲 PAUL被重拳打到斷骨結束，他的認叻傳說也就結束了。我想講咩，當然係講拳賽，一定係。

2025 年8月 - 買NVIDA財務自由? 唔好再發夢了

在講重點之前，想搵大家幫手做善事。雖然睇既人唔多，不過都盡力呼籲吓。 留在香港的人嘆生活艱難，但離開了香港的人也不是每一個都過得很快活的。人在陌生地方生活人特別容易感到孤單無助 。最近有位香港單親媽媽申請庇護帶住4個女去了美國居住，點知媽媽不幸車禍離世，剩下4位女兒，雖然最新消息似乎有人肯收留4位女兒，下一代甚麼也沒做就去了美國，美國生活成本高，希望各位幫幫手睇睇捐助一下他們。 

這是台灣媒體的報導，內文有捐款方法連結
https://www.rti.org.tw/news?uid=3&pid=160728&fbclid=IwY2xjawMcQn9leHRuA2FlbQIxMQABHmgopJIwu1bhLUfGOlRMrknjjmoZFHO_kUctL0YXJPXnQeR-d3zwYrvMmEcn_aem_CrcKOMbTU4DO6lJKNeZSdQ 
來自藝人杜汶澤FACEBOOK 頁可以看到有關消息，捐款方法在第一則留言。 https://www.facebook.com/photo?fbid=3605823086218246&set=a.111122362355020 

美股
今年仍然在專注買入NVIDA、TESLA同PLTR，但我既方法係同時買呢幾集股既期權 SHORT PUT 等待低位接貨，如果接唔到貨，期權金會用在免稅的ISA戶口買入現貨，其中 NVIDA 155 140 我都有買入SHORT PUT，如果有調整我會買更多期權，直至我現金2/3用完再決定下一步。 
TESLA點勁好多人都有講，不過似乎還有些角度沒有人提及。馬斯克的夢想之一是可以帶領自己及人類去火星居住，現在所做的一切公司，幾乎都可以放上火星使用的。TESLA 電動車只是其中一環，她還準備在英國提供電網，用POWERWALL電池提供電力儲存，形成一個分散電網，平均地使用發電廠的電力同時兼用太陽能。CYBERTRUCK除了是貨VAN，也同時是一部流動電池，可在徧遠地區供應電力．既然核電都可以攞出來炒，咁計價值時，應該計埋TESLA係能源市場的增長潛力，再加上24小時不停的運作的 AI，機械人和自動駕駛運輸，未來形成一個自給自足的生態圈，呢堆野你仲係只計電動車賣緊幾多架，我記得 N 年前腥港電台有個財演，係節目話過大意是指 “TESLA賣一部車蝕一部，我就唔會買佢啲股票”，結果多年下來如何，難道你今日仲信啲人講TESLA賣車賣幾多？呢位有點徧執狂但又聰明絕頂商業奇才係你無法用常理推段的，TESLA可以創造出的未來價值也是你難以想像的。不過，也因為馬斯克的難以預測，NVIDA相對是較穩定和安全的選擇。

 
終於要講返今日主題，當馬斯克日以繼夜工作，你有無問你自己憑咩賺錢，當你見到誠哥到呢個年紀都仲要為守護自己既財富謀劃，二三線富豪靠一招地產炒賣發逹以為自己真係好叻，借大咗家吓煩緊點還債，賺錢從來沒有公式，不過你唔勞動就要冒險，或者兩樣都要，唔付出體力都要應付煩惱，唔好再信啲咩躺著賺呀，財務自由，最老土果句只係知足常樂。唔好放棄有退休生活的念頭，賺來的錢主要用在急需的關頭，平時都係要慳住用。

要知足，就要了解自己，正所謂一命二運三風水四積陰德五讀書，呢句話我會解讀成

命=性格
運=出生背景 + 運氣
風水=出生地 + 運氣
積陰德=品格
讀書=要解釋呢點你可以唔駛再睇呢篇文

2， 3 你控制唔到，4 5你可以努力，性格無法控制，但可以避重就輕，再決定投資方法。同一套方法，有人成功有人失敗，如果你係急先鋒，未必有耐性長夠持有股票，可能去做生意更好，了解自己也是重要的一步。 如果你仲有耐性睇到呢度，證明你有啲耐性，最後推介我老婆最近睇既周華山博士講解九形人格既YOUTUBE 片，應該可以幫到大家了解自己。

記得好似啲國企咁去做吓善事積吓福先再慢慢諗

投資組合2025年7月

這是上個6月時的組會現況，由於這個BLOG完全沒有收入而我又懶，所以我連組合比例都不顯示了，總之以後的主力都放在NVDA、PLTR、TSLA和 SOFI。

7月我將1038都放走了，香港的情況就好像那位網絡紅姐一樣，讓人看不透，咩生意太好，光榮結業，由治及興，銀行CALL LOAN，人已不在這裏生活，單靠網上資訊可能不夠全面，我唯一可以肯定的是朋友告訴我兩餸飯店越開越多，其他廢話另外再寫文。

IB ACCOUNT

1038

AEWU 

ATCO PRH 

BATS

BLND 

MSFT 

NVDA 

PDI 

PLTR 

SMIFl 

TSLA 

VUSD 

VZ 

ISA ACCOUNT

OXY

PLTR

NVDA

SOFI