2025年8月27日星期三

2025 年8月 - 買NVIDA財務自由? 唔好再發夢了

在講重點之前,想搵大家幫手做善事。雖然睇既人唔多,不過都盡力呼籲吓。 留在香港的人嘆生活艱難,但離開了香港的人也不是每一個都過得很快活的。人在陌生地方生活人特別容易感到孤單無助 。最近有位香港單親媽媽申請庇護帶住4個女去了美國居住,點知媽媽不幸車禍離世,剩下4位女兒,雖然最新消息似乎有人肯收留4位女兒,下一代甚麼也沒做就去了美國,美國生活成本高,希望各位幫幫手睇睇捐助一下他們。 


這是台灣媒體的報導,內文有捐款方法連結
https://www.rti.org.tw/news?uid=3&pid=160728&fbclid=IwY2xjawMcQn9leHRuA2FlbQIxMQABHmgopJIwu1bhLUfGOlRMrknjjmoZFHO_kUctL0YXJPXnQeR-d3zwYrvMmEcn_aem_CrcKOMbTU4DO6lJKNeZSdQ 
來自藝人杜汶澤FACEBOOK 頁可以看到有關消息,捐款方法在第一則留言。 https://www.facebook.com/photo?fbid=3605823086218246&set=a.111122362355020 

美股
今年仍然在專注買入NVIDA、TESLA同PLTR,但我既方法係同時買呢幾集股既期權 SHORT PUT 等待低位接貨,如果接唔到貨,期權金會用在免稅的ISA戶口買入現貨,其中 NVIDA 155 140 我都有買入SHORT PUT,如果有調整我會買更多期權,直至我現金2/3用完再決定下一步。 
TESLA點勁好多人都有講,不過似乎還有些角度沒有人提及。馬斯克的夢想之一是可以帶領自己及人類去火星居住,現在所做的一切公司,幾乎都可以放上火星使用的。TESLA 電動車只是其中一環,她還準備在英國提供電網,用POWERWALL電池提供電力儲存,形成一個分散電網,平均地使用發電廠的電力同時兼用太陽能。CYBERTRUCK除了是貨VAN,也同時是一部流動電池,可在徧遠地區供應電力.既然核電都可以攞出來炒,咁計價值時,應該計埋TESLA係能源市場的增長潛力,再加上
24小時不停的運作的 AI,機械人和自動駕駛運輸,未來形成一個自給自足的生態圈,呢堆野你仲係只計電動車賣緊幾多架,我記得 N 年前腥港電台有個財演,係節目話過大意是指 “TESLA賣一部車蝕一部,我就唔會買佢啲股票”,結果多年下來如何,難道你今日仲信啲人講TESLA賣車賣幾多?呢位有點徧執狂但又聰明絕頂商業奇才係你無法用常理推段的,TESLA可以創造出的未來價值也是你難以想像的。不過,也因為馬斯克的難以預測,NVIDA相對是較穩定和安全的選擇。

 
終於要講返今日主題,當馬斯克日以繼夜工作,你有無問你自己憑咩賺錢,當你見到誠哥到呢個年紀都仲要為守護自己既財富謀劃,二三線富豪靠一招地產炒賣發逹以為自己真係好叻,借大咗家吓煩緊點還債,賺錢從來沒有公式,不過你唔勞動就要冒險,或者兩樣都要,唔付出體力都要應付煩惱,唔好再信啲咩躺著賺呀,財務自由,最老土果句只係知足常樂。唔好放棄有退休生活的念頭,賺來的錢主要用在急需的關頭,平時都係要慳住用。


要知足,就要了解自己,正所謂一命二運三風水四積陰德五讀書,呢句話我會解讀成

命=性格
運=出生背景 + 運氣
風水=出生地 + 運氣
積陰德=品格
讀書=要解釋呢點你可以唔駛再睇呢篇文


2, 3 你控制唔到,4 5你可以努力,性格無法控制,但可以避重就輕,再決定投資方法。同一套方法,有人成功有人失敗,如果你係急先鋒,未必有耐性長夠持有股票,可能去做生意更好,了解自己也是重要的一步。 如果你仲有耐性睇到呢度,證明你有啲耐性,最後推介我老婆最近睇既周華山博士講解九形人格既YOUTUBE 片,應該可以幫到大家了解自己。


記得好似啲國企咁去做吓善事積吓福先再慢慢諗

2025年7月20日星期日

投資組合2025年7月

這是上個6月時的組會現況,由於這個BLOG完全沒有收入而我又懶,所以我連組合比例都不顯示了,總之以後的主力都放在NVDA、PLTR、TSLA和 SOFI。

7月我將1038都放走了,香港的情況就好像那位網絡紅姐一樣,讓人看不透,咩生意太好,光榮結業,由治及興,銀行CALL LOAN,人已不在這裏生活,單靠網上資訊可能不夠全面,我唯一可以肯定的是朋友告訴我兩餸飯店越開越多,其他廢話另外再寫文。

IB ACCOUNT

1038
AEWU 
ATCO PRH 
BATS
BLND 

MSFT 
NVDA 
PDI 
PLTR 
SMIFl 
TSLA 
VUSD 
VZ 


ISA ACCOUNT
OXY
PLTR
NVDA
SOFI

2025年4月5日星期六

投資廢論 2025 4月 - 重新洗牌

等咗幾個月美帝老大終於使出大絕,他的意圖也比較清楚了。老大仍然是令我討厭的流岷,就像某強國50 60 年代歷史上的那位偉大領導,不過現在他做的事卻又可能美國是必須要做的事。關稅強調的目的其實不是美國鎖國,而是要令其他國家更徹底開放市場給美帝,形成更密切經貿關係,所有國家都可以傾,而就只有一個地方似乎係無得傾,因為根本唔會開放,戰爭已經在開打,舊世界秩序洗牌,企業也要重新適應新形勢,才能生存下來。


今年以來,我手上股票組合跌到七彩,中間一路跌我又買咗啲貨,結果繼續趺,真係心都傷,好野又無講得咁準,衰野就中到應,現在情況是我想像中最壞情況,雖然我未死得,不過加倉會再放慢,反彈既話更會將手上剩低既蘋果都放埋。平均入市其實一點都不容易,特別是這種市況,完全係倒錢落海既行為,不過平既時候唔買,高又追唔切,呢個世界無咁理想,只能選擇一個適合自己的方法。


目前只有一隻股票最硬淨,就是PALATIR,但我在分折後入的貨都要成90元成本,都係坐緊艇,不過我想佔信PALATIR是亂世中受惠的股票,例如英國 NHS最近幫襯了她之後,英國政府不久就宣佈要精簡架構將整個NHS砍掉,好明顯NHS的後勤工作會有一部份被她的系統取代,這家軍事科技公司的內部也幾乎肯定是MADE IN US的,不太會受關稅影響。


至於NVIDA和TESLA,暫時按兵不到,這2家公司都是有非常出色的領導人,關於黃仁勛的起家我有了更多的了解,顯示卡他成功用軟件模擬生產的創新方法節省金成本令公司站策穩陣腳,用顯卡挖比特幣可能是好彩,但之後AI成功就肯定是眼光,他將軟件模擬的生產方法應用在機器人生產,已在為下一期的熱潮做準備。ELON經過2018年那次幾乎破產都捱過,現在這關我覺得還不如當年。這兩家公司我不太懷疑他們的前景,不過還是要捱過眼前難關先。


當年蘋果發佈麔IPHONE 第一代,功能充滿驚嘉,而價錢不到1000美元,也是令許多人驚嘉的原因,當時功臣便是今日的CEO TIM COOK。蘋果使用全球供應鍊由中國生產,運到美國賣,多年以來順風順水,今日驚嘉已不再,甚至有點品牌老化的現象,不過因為壟斷供應鍊和生態系統而仍然獲利甚豐,不過今天連供應鍊都要重組,蘋果的價勢已削去一大半,我想也是時候放手。


我自從住在英國後,沒有再買指數,主要因為英國買ETF有很多限制,之前高位也沒有減持TESLA,除了因為我心態唔夠狠,還因為報稅複雜而令我卻步,因為那些分拆了的股票我要找出買入記錄已麻煩,還要按分拆後計算買入價。在英國生活上要做司機、全方位維修員、厨師和全職打工仔,我連睇指數的次數都減少了,我沒打算做全職炒股或基金,我會選擇做回一位小股東,公司營運總會有起落,捱得過自然會有好結果。

2025年1月25日星期六

投資廢論 2025 1月 判斷市場過升的簡單方法

上年年尾時候,唔知你有無一刻覺得想全職炒股,見住啲股日日升,心諗做咩自己要日日做野咁辛苦,當你有呢個想法,再加上指數不停倉出高位,通常都係見頂時候,今年開局就話你知炒股唔係日日賺。其實短線和長線投資在我來講都係低買高賣的行為,沒有誰比誰更好,短線要鬥快,長線是要講耐性。短線要日日𥄫住技術關鍵位,一破位就要做野,要做得好就要以一項職業看待,重點是要留可其意自己付人出的成本包括時間和回報。

侵侵上台,政策大變,DOGE監管政府節流,關稅拉高通脹,但又會減公司稅,變數極多無法預測。係時候要付出番啲炒賣成本。今年似乎一係慢跌一係波動市,好難同升市聯系。不過美股熊市通常最長只有8個月至1年,之後可能平靜一排,如果一間好公司捱唔過跌市同高通脹,就唔值得投資。我會繼續實行分注入市的策略,但會避免短線高位入貨。

本來想LIST番自己個倉剩低啲咩,結果要搞屋企野都係無做到。我組合都無咩好講,主力都係NVDA / TELSA / PLTR ,1月以來加入了SOFI。此股由SPEC上市我已有小注關注,最近公司連續多季由蝕錢變賺錢,已符口入指數的基本要求,今年金融板塊明顯轉強,同系還有一隻初期版IB Robinhood (HOOD),不過我只有跟進SOFI,所以我只買入了SOFI。




2024年11月20日星期三

投資廢論 2024 11月 升到血脈沸騰

最近我才知道 11 月原來是美股傳統基金重新配置倉位的日子,侵侵大勝,唔駛問都要知要侵TRADE,仲要鬥快買。其實今年要搵到輸錢既資產我只諗到腥港樓,可惜我不是全職炒股的材料,全職炒家其實也就是全職賭徒,我的性格不夠狠,喜歡細水長流,這些機會只有留給其他人,我只能依我的方法去買股票。。

AI 被吹捧都不是第一天的事,事實上在我的工作中,CHATGBT 和 MICROSOFT 的 COPLIOT 已經取代了GOOGLE成為了我日常必須使用的工具。有了它,我就像多了許多個初級甚至是高級程序員幫忙做事,幫我快速地解決了不少問題。華爾街那些數佬根本不會明白,AI是不用利潤模式,而係邊個唔將AI放入自己的產品,將來都是死路一條。例如你有用 IPHONE 的SIRI 或 AMAZON 智能家居的 ALEXIA 助理,你會發現他們還是在弱智階段,一旦AI將他們由弱智變成常人一樣的助理,還會有會想用弱智的助理嗎? 你唔用AI另一家公司用,真係間公司死咗都唔知咩事。 所以 NVIDA 的產品毫無疑問會在未來5年都是搶手貨。

不過近來有些股票如 PALANTIR 被吹捧到上天,我覺得似乎有點像無眼看肺炎疫情時又或是當年楓葉國將大痳合法化那樣,被過份追棒,有些升幅也可能是 PUT OPTION 爆煲結補倉做成的瘋漲。

市場仲會升幾多我估唔到,特別係TESLA,不過以往輸錢經驗話我知點都要減持一啲股票,唔好太貪心,大市跌落來時真係會令人個心都流血。TESLA 和 PLTR 我大概不會減,還會等待下跌時再看是否要加倉。NVIDA則會一直月供,美股下跌一般唔超過1年,這些股票我在低價持有,而且數量不算多,有空間堅持。

我計緊數要減持的主要是 APPLE 和其他非核心的持倉。首先APPLE個智能眼鏡俾 META 搶先做出更輕型的款式,實在讓人有些失望,她在 AI 使用上也落後他人,不見得會很受惠。另一重要因素也就是巴郡都在減貨,後生時唔指野無跟機巴菲特,今時今日我不敢再同巴菲特對著幹,我大概會減持4份1至一半左右。

買股票要買得大才可以改變命運,當找到自己能獲利的模式,就要集中時間和財力去做,其他人用其他方法賺錢不代表我能用同樣方法的,所以終於自己資料搜隻、自己的學識和想法去買是很重

2024年8月26日星期一

投資廢論 2024 8月 如果回到 20 年前

首先想講,手頭上倉位的港股現只剩下1038 長江基建,在我決定賣港股前也不知道她會去英國第2上市,過去長遠賭香港前途差既都會輸,那是過去的事,YOUTUBE上還有很多人在說如何救經濟,其實大家都知正確救經濟方法,但又知回到20年前係不可能的事。未來面對局勢大變,香港的金融,建築和地產應該都要洗一次牌,整個行業制度和遊戲規則也要更改,某鄰近地區這幾年的經歷就是民企先死而國企後生,你明我想說甚麼嗎? 我自己開始都唔知想講咩了,總之我倉位已近乎無港股。

今年選舉年,美股股市向好,我倉入面科技股全部都升得很好,特別驚喜的是受恵AI帶動旳 PALANTIR (PLTR) ,所以我都沒多理會。似乎下年先有大調整或大股災的機會很高,所以今年都不會再大手買入股票,MPF則開始分段減倉。

今年是 GOOGLE 上市20年,由上市至今,GOOGLE 股價升了超過100倍,網上要搜這些資料不難,這是其中一篇

https://www.benzinga.com/general/education/23/02/30715582/if-you-invested-1-000-in-google-stock-at-ipo-heres-how-much-youd-have-now

重點,現在在你面前很可能有下一隻GOOGLE,這就是 NVIDA。這股之前都升了5-10位有多,但如果考慮到 CEO 黃仁勛的眼光,不停推出難以置信的產品,實在極似另一隻GOOGLE 或10多年前的APPLE ,不過前題是你要買入後坐得住,準備可能有下跌60%的風險,未來永遠都沒有固定答案,NVIDA 也有可能會中途沒落,因此要隨時留意 AI 行業走勢。要堅持持有一隻股票10年以上,講就容易,做就唔係個個都做到,不過我都會試吓,持續買入此股。

2024年5月26日星期日

投資廢論 2024 5月 - 興奮時刻要為跌市做準備

今年上半年個個地方股市都做好,連充滿悲觀情緒的腥港都可以反彈,而這個反彈時機,正正就是100-77條通過之後,而內房不聽話的一群也清理得七七八八,於是乎強力救市的消息就出現。外資係出面都炒到無野好炒,於是就買最弱的地方,而且腥港也是美元區,提款機作用還存在,所以還有些剩餘炒作價值。不過連香港都揀證明資金都沒甚麼好選擇,6,7,8月又歐國杯又奧運會,似乎都會係悶市居多,現在計劃一下10月之後要減持那些股票,同時又要處理報稅問題。

NVDA 已經升到嚇死人,還要1拆10,我相信拆完仲會有排升,不過市好時候幾乎做咩都啱,重點係市差既時候敢唔敢買,由於英國有免稅戶口,我會選擇先少量在月供買入,到市場恐慌時才買入。我也見FACEBOOK有人推介用遠期 SHORT PUT 買NVDA,這可能也是一個選擇,但不是人人適合,因為當市跌到令人怕時,許多人會把持不住不敢接貨又或者接了貨再蝕賣,賺了12個月但1個月內一鋪清袋,其實也是很危險的事。

最近我在搜隻英國免稅ISA戶口的投資方法,給我找到了一個簡單基金,和我的理念很接近,可以取代我現在大部份的持股,不過還要些時間確認。

這半年一直在為新居而忙碌,買賣程序很急,誰說英國人做事慢,我來到後發現重點只是你出到幾多錢,如果有錢收他們也一樣會快手做事。不過這裏買野實在比香港不便,星期日所有超市大門市都只有半日開門,不時日子佢地返工但我都要返工,為新居購物實在只有星期六,而其中半日又要買日常食用品,因此網購是另一不能不選的方法。那些移英群組的人美化說英國慢活,其實是被迫慢活,不過反過來說,在這裏工作壓力的又會比香港細,時間也較短,針無兩頭利,總得要習慣。